GSMArena xəbər verir ki, "Samsung" gələn il geniş formatlı qatlanan smartfonlar xəttinə ikinci model əlavə etməyi planlaşdırır. Koreyalı insayder ekran təchizatçısındakı mənbələrə istinadən bildirib ki, iyulda təqdim olunan "Galaxy Z Fold8" şirkətin özünün gözlədiyindən xeyli yaxşı satılır.

Məlumata görə, yeni modelin necə olacağı hələ qəti müəyyənləşməyib. "Samsung" iki variantı sınaqdan keçirir: biri hazırkı "Fold8"dən daha böyük ekrana malik olacaq, digəri isə eyni ölçünü saxlayıb daha sadə texniki göstəricilər təklif edəcək. Onlardan yalnız biri bazara çıxacaq və qərarın tezliklə veriləcəyi bildirilir.

"Samsung" geniş qatlanan smartfon seriyasına ikinci model əlavə edəcək
GSMArena

Hələlik ilkin adlar "Galaxy Z Fold9+" və "Galaxy Z Fold9 FE" kimi səslənir. "Samsung" geniş "Fold8"in ayrıca satış rəqəmlərini açıqlamayıb. Şirkət yalnız "Fold8" və "Fold8 Ultra"nın birlikdə ilk doqquz həftədə Avropada ötən ilki "Galaxy Z Fold7"dən 45 faiz çox satıldığını bildirib.

Qeyd edək ki, "Galaxy Z Fold8" 4:3 nisbətli 7,6 düymlük daxili və 5,5 düymlük xarici LTPO AMOLED ekranlarla, "Snapdragon 8 Elite Gen 5 for Galaxy" prosessoru, 16 GB-a qədər operativ yaddaş, 50 MP-lik əsas kamera və 4800 mAh batareya ilə təchiz olunub. Bazarda "iPhone Duo"nun da satışa çıxması "Samsung"un bu istiqamətdə genişlənməsini məntiqli edir.