GSMArena xəbər verir ki, "vivo" şirkətinin "X500" seriyasına əlavə olunan yeni "X500 Pro Max" smartfonu sınaqdan keçirilib. Model adi "X500" versiyaları ilə gələcək "X500 Ultra" arasında körpü rolunu oynayır. Seriyada "X500 Pro" artıq kompakt flaqmana çevrilib, böyük ekranlı model isə "Pro Max" olub.
Smartfon 6,85 düymlük LTPO AMOLED ekranla təchiz edilib. Ekranın yenilənmə tezliyi 144 Hz, ayırdetmə qabiliyyəti 1440x3168 piksel, pik parlaqlığı isə 4400 nitdir. Cihaz 2 nm texnologiyası ilə istehsal olunan "MediaTek Dimensity 9600 Pro" prosessoru, 12 GB operativ yaddaş və 1 TB-a qədər daxili yaddaşla gəlir. Korpus IP68/IP69 standartına uyğun qorunur.
Kamera sistemi əvvəlki nəsillə müqayisədə demək olar ki dəyişməyib: 50 MP əsas kamera, 3,5x optik yaxınlaşdırmalı 200 MP teleobyektiv və 50 MP ultragenişbucaqlı modul. Ən böyük yenilik batareyadadır: qlobal versiyada tutum 7800 mAh, Avropa versiyasında isə 6750 mAh təşkil edir. Bununla belə, 90 Vt simli və 40 Vt simsiz sürətli şarj dəyişməz qalıb.
Smartfon "Android 17" əsaslı "OriginOS 7" interfeysi ilə işləyir və 5 böyük əməliyyat sistemi yeniləməsi alacaq. Qlobal versiyanın qutusunda 90 Vt-lıq adapter, kabel və silikon örtük təqdim olunur.
Qeyd edək ki, "X500 Pro Max" modelinin sələfi sayılan "vivo X300 Pro"nun qlobal versiyasında 6510 mAh, Avropa versiyasında isə 5440 mAh batareya var idi. Seriyanın digər üzvləri olan "X500 Pro" 6,36 düymlük, "X500" isə 6,59 düymlük ekrana malikdir.
Mənbə: GSMArena
Bizi izləyin
Ən vacib texnologiya xəbərlərini sosial şəbəkələrdə qaçırmayın.
Növbəti xəbər
