GSMArena xəbər verir ki, "Oppo" şirkətinin yeni flaqmanı "Find X10 Pro Max" smartfonunun ilk təfərrüatlı rəyi dərc olunub. Cihaz üç 200 meqapiksellik arxa kamerası olan ilk smartfon kimi diqqət çəkir. 512 GB yaddaşlı və 12 GB operativ yaddaşlı versiyanın qiyməti 1699 avro, Britaniyada isə 1399 funt sterlinqdir.
Kamera blokunda əsas modul yeni "Samsung ISOCELL HPC" sensorundan, teleobyektiv və ultra genişbucaqlı kameralar isə "ISOCELL HP5" sensorundan istifadə edir. Teleobyektiv 3x optik yaxınlaşdırma təklif edir, ayrıca satılan "Hasselblad" telekonverter dəsti ilə bu göstərici 10x-ə çatır. Ön tərəfdə 18 mm fokus məsafəli 50 MP kamera yerləşib.
Smartfon 2 nm texnologiyalı "Dimensity 9600 Pro" prosessoru, 6,78 düymlük LTPO AMOLED ekranla təchiz olunub. Ekranın yenilənmə tezliyi 144 Hs, pik parlaqlığı 3600 nitdir. Cihaz "Android 17" əsaslı "ColorOS 17" əməliyyat sistemi ilə işləyir, IP68/IP69 standartlarına uyğun qorunur.
Batareya tutumu Avropa İttifaqından kənar bazarlarda 8000 mAh, Avropada isə hava daşımalarına dair məhdudiyyətlər səbəbindən 7150 mAh-dır. Doldurma sürəti dəyişməyib: 80 Vt naqilli və 50 Vt simsiz doldurma dəstəklənir. Avropada qutuda adapter verilmir.
Qeyd edək ki, bu il "Find X10" seriyası üç modeldən ibarətdir və "Pro" versiyası yoxdur. "Find X10 Pro Max" keçən il təqdim olunan "Find X9 Pro"nun varisi sayılır. Ötən ilin modeli bütün bazarlarda 7500 mAh batareya ilə satılırdı.
Mənbə: GSMArena
Bizi izləyin
Ən vacib texnologiya xəbərlərini sosial şəbəkələrdə qaçırmayın.
Növbəti xəbər
