TechCrunch xəbər verir ki, "Apple"ın baş icraçı direktoru Con Ternus "Wired" nəşrinin jurnalisti Stiven Levi ilə müsahibəsində şirkətin süni intellekt sahəsindəki mövqeyini müdafiə edib.

Ternus hər kəsin bu mövzuda öz fikri olduğunu qəbul etsə də, "Apple"ın hazırkı vəziyyətindən razı qaldığını bildirib. O, şirkətin yeni məhsullarında süni intellektdən mütləq istifadə edəcəyini vurğulayıb, lakin bunu sırf texnologiya naminə etməyəcəklərini deyib.

CEO-nun sözlərinə görə, düzgün yanaşmada istifadəçilər funksiyanın süni intellekt, yoxsa ənənəvi proqram təminatı ilə işlədiyini düşünməməlidir. "Əsas olan odur ki, insanların həqiqətən sevdiyi bir şey yaratmışıqmı", deyə Ternus bildirib.

Süni intellekt agentlərinin gələcəkdə tətbiqləri lazımsız edə biləcəyi barədə suala isə Ternus bunun həyatı asanlaşdıra biləcəyini, lakin məhsul yaratmağın dərin insani və şəxsi proses olduğunu söyləyib.

Qeyd edək ki, son iki ildə "Apple" süni intellekt sahəsində rəqiblərdən geri qalmaqda tənqid olunub. Xüsusilə "Siri"nin daha güclü versiyasının buraxılışı gecikib və o, yalnız bu yay təqdim olunub. Uzun illər şirkətdə çalışan Ternus isə sentyabrın əvvəlində rəsmi olaraq CEO vəzifəsinə başlayıb.