Engadget xəbər verir ki, "Amazon" bir neçə köhnə "Echo" dinamikində AUX girişi üçün "Alexa" səsli idarəetməsini deaktiv edib. Müştərinin paylaşdığı və "Ars Technica"nın yaydığı e-məktuba əsasən, "Alexa, play from line in" və "Alexa, set AUX input" kimi əmrlər artıq işləmir.
Dəyişiklik ikinci nəsil "Echo Plus" (2018), üçüncü nəsil "Echo" (2019), ilk "Echo Studio" (2019) və dördüncü nəsil "Echo" (2020) modellərinə aid edilib. Şirkət nümayəndəsi The Verge-ə bildirib ki, AUX üçün səsli əmrlərdən istifadə edən "çox az sayda müştəri" xəbərdar edilib. Funksiyanın niyə ləğv olunduğu isə açıqlanmayıb.
Fiziki 3,5 mm-lik AUX bağlantısı isə əvvəlki kimi işləyir. İstifadəçilər kabel vasitəsilə səs ötürə və "Alexa" tətbiqində cihaz parametrlərindəki "AUX Audio" bölməsindən "Line In" və ya "Line Out" rejimini seçə bilərlər. Oxutma və trekləri keçmə isə qoşulmuş cihazın öz idarəetməsi ilə həyata keçirilir.
Qeyd edək ki, üçüncü və dördüncü nəsil "Echo" ilə ikinci nəsil "Echo Plus" həm giriş, həm çıxış rejimini dəstəkləyir, ilk "Echo Studio" isə yalnız girişi. Beşinci nəsil "Echo Dot"da 3,5 mm-lik port ümumiyyətlə yoxdur, 2025-ci ildə yenilənmiş "Echo Studio"da da bu giriş təklif olunmur.
Mənbə: Engadget
Bizi izləyin
Ən vacib texnologiya xəbərlərini sosial şəbəkələrdə qaçırmayın.
Növbəti xəbər
