GSMArena xəbər verir ki, "Redmi Turbo 6 Max" smartfonunun batareya tutumu ilə bağlı yeni məlumat sızıb. Etibarlı insayderin sözlərinə görə, cihaz 11 000 mAh tutumlu, 40,72 Vt·saat gücündə batareya ilə təchiz olunacaq.

İnsayder smartfonun adını birbaşa çəkməyib, lakin "Dimensity" prosessorlu, 7 düymlük 2K ekranlı və çox yüksək yenilənmə tezliyinə malik performans smartfonundan bəhs edib. Bu təsvir indiyədək "Turbo 6 Max" haqqında yayılan bütün məlumatlarla üst-üstə düşür.

"Redmi Turbo 6 Max" smartfonunun batareya tutumu məlum olub: 11 000 mAh
GSMArena

Əvvəlki sızmalara əsasən, cihaz 185 Hs yenilənmə tezliyinə və 1 mm-lik nazik çərçivələrə malik 7 düymlük düz 2K OLED ekran, "Dimensity 9500s" prosessoru, metal korpus, IP68/IP69 qorunma dərəcəsi, ekranaltı ultrasəs barmaq izi skaneri və arxada ikili kamera alacaq.

Smartfonun qlobal bazara "Poco X9 Pro Max" adı ilə çıxacağı gözlənilir. Bununla belə, batareya tutumunun beynəlxalq versiyada da eyni qalıb-qalmayacağı hələlik bəlli deyil.

Qeyd edək ki, sələf model "Redmi Turbo 5 Max" 9000 mAh batareya ilə təqdim olunmuşdu və qlobal bazarda "Poco X8 Pro Max" adı ilə satışa çıxarılmışdı.