9to5Mac xəbər verir ki, gələn ay istifadəyə veriləcək "iOS 27.3" yeniləməsi "Apple One" abunə paketinin ən bahalı tarifi olan "Premier" üçün mühüm yenilik gətirəcək. Söhbət "Fitness+" xidmətinə əlavə olunan "Gym Strength" proqramından gedir.
Yeni funksiya istifadəçilərə öz ehtiyaclarına uyğun fərdi güc məşqləri planı qurmağa imkan verir. Plan daxili video nümayişlərlə müşayiət olunur ki, bu da güc məşqlərini yeni başlayanlar üçün daha əlçatan edir. İstifadəçilər irəliləyişlərini tətbiqdə izləyə biləcək, funksiya "Apple Watch" ağıllı saatı ilə də inteqrasiya olunub.
Nəşrin müəllifinin fikrincə, əvvəllər "Fitness+" xidmətində hərtərəfli güc məşqləri planının olmaması ciddi boşluq idi. Bundan əlavə, "iOS 27.3" bütün abunəçilər üçün "Apple Music" və "Apple TV" xidmətlərinə də yeni funksiyalar əlavə edəcək.
Nəşr həmçinin qeyd edib ki, yeni "HomeView" məhsulu və digər "Apple Home" aksesuarlarının satışa çıxması ərəfəsində "Premier" tarifinin "HomeKit Secure Video" ilə "Apple Intelligence" video xülasələrini dəstəkləməsi daha dəyərli olur.
Qeyd edək ki, "Apple One" 2019-cu ildə "Individual", "Family" və "Premier" tarifləri ilə təqdim olunub. Bütün tariflərə "Apple Music", "Apple TV", "Apple Arcade" və "iCloud+" daxildir, "Premier" isə əlavə olaraq "Apple News+", "Fitness+" və daha çox "iCloud" yaddaşı təklif edir. Paketin qiyməti ayda 21,95 dollardan başlayır.
Mənbə: 9to5Mac
Bizi izləyin
Ən vacib texnologiya xəbərlərini sosial şəbəkələrdə qaçırmayın.
Növbəti xəbər
