Nadir "Pokémon Red" prototip kartrici hərraca çıxarılıb: başlanğıc qiymət 25 min dollar

"Nintendo Game Boy" üçün hazırlanmış və əvvəllər sənədləşdirilməmiş prototip nüsxədən 32 KB məlumat oxunub.

Tom's Hardware xəbər verir ki, "Nintendo Game Boy" üçün hazırlanmış "Pokémon Red" oyununun nadir prototip kartrici hərraca çıxarılıb. Hazırda lot üzrə 25 000 dollarlıq yalnız bir təklif qeydə alınıb.

Prototipi ilk dəfə "Retro Dodo" nəşri aşkarlayıb. Hərrac "Goldin" platformasında keçirilir. Kartricin həqiqiliyi "PSA" mütəxəssisləri tərəfindən təsdiqlənib.

Mütəxəssislərin məlumatına görə, kartricdəki məlumatları tam oxumaq mümkün olmayıb, lakin ilk 32 KB-ı oxumaq alınıb. "PSA" bunu "texniki baxımdan unikal" nəticə adlandırıb. Oxunan hissə oyunun ABŞ-da satışa çıxarılan versiyası ilə tam eyni olub və mütəxəssislər qalan məlumatların da oxunacağı halda uyğun gələcəyinə əmin olduqlarını bildiriblər.

Qeyd edək ki, "Pokémon Red" ABŞ-da 1998-ci ildə buraxılıb. Video oyunların prototipləri kolleksiyaçılar arasında yüksək qiymətləndirilir, çünki onlar adətən məhdud sayda hazırlanır və geniş satışa çıxarılmır.

Mənbə: Tom's Hardware