"Xiaomi Smart Band 11" Avropada satışa çıxıb: qiyməti 60 avrodan başlayır

Fitnes izləyicisi iki versiyada təklif olunur, NFC dəstəkli model isə 80 avroya satılır.

GSMArena xəbər verir ki, "Xiaomi" sentyabrda Çində təqdim etdiyi "Smart Band 11" fitnes izləyicisini Avropa bazarına çıxarıb. Cihaz regiondakı rəsmi "Xiaomi" onlayn mağazalarında iki versiyada satışa təqdim olunub.

Standart modelin qiyməti 60 avro, NFC modulu ilə təchiz olunmuş versiyanın qiyməti isə 80 avrodur. Qolbaq qara, gümüşü və çəhrayı rənglərdə təklif edilir. Şirkət həmçinin keramik ağ versiyanı da reklam edir, lakin onun qiyməti və satış tarixi hələlik açıqlanmayıb.

"Smart Band 11" sələfi kimi 1,72 düymlük həb formalı AMOLED ekrana malikdir, lakin ekranın pik parlaqlığı 2000 nitə qədər artırılıb. Cihaz "HyperOS 4" əməliyyat sistemi ilə işləyir və "Smart Band 10"-dakı sağlamlıq və fiziki aktivlik izləmə funksiyalarını saxlayır.

Qeyd edək ki, yeni qolbaq 5ATM standartı üzrə suya davamlıdır, istehsalçının məlumatına görə isə bir dəfə şarj edildikdə 21 günə qədər işləyə bilir.

Mənbə: GSMArena