9to5Mac xəbər verir ki, "Apple" "iOS 27" əməliyyat sistemində "Impersonation Risk Detection" adlı yeni təhlükəsizlik funksiyası təqdim edib. Funksiya istifadəçiləri dələduzluq hallarından qorumaq üçün nəzərdə tutulub, lakin standart olaraq deaktivdir.
Şirkətin açıqlamasına görə, funksiya fırıldaqçının bank, dövlət qurumu və ya tanış şəxs kimi özünü təqdim edərək istifadəçini ödəniş etməyə və ya hesab məlumatlarını dəyişməyə məcbur etdiyi hallara qarşı yönəlib. Belə hücumları iki faktorlu autentifikasiya kimi ənənəvi vasitələr həmişə aşkarlaya bilmir, çünki əməliyyatı istifadəçinin özü icra edir.
Sistem cihaz və "Apple Account" haqqında məlumatları təhlil edərək tətbiqə "naməlum", "orta" və ya "yüksək" risk səviyyəsi ötürür. Tətbiq yalnız risk səviyyəsini alır, onun əsasında duran məlumatlar paylaşılmır. Daha sonra tətbiq şəxsiyyətin təsdiqlənməsini tələb edə, əməliyyatı gecikdirə və ya xəbərdarlıq göstərə bilər.
Funksiyanı aktivləşdirmək üçün "Ayarlar" bölməsində "Məxfilik və Təhlükəsizlik" menyusuna daxil olub "Impersonation Risk Detection" seçilməli və "Share with App Developers" açarı yandırılmalıdır.
Qeyd edək ki, funksiya yalnız dəstəklənən tətbiqlərdə işləyir və "Apple" hələlik həmin tətbiqlərin siyahısını açıqlamayıb. "iOS" sistemində artıq zənglərin və mesajların süzgəcdən keçirilməsi kimi alətlər mövcuddur, lakin onlar istifadəçinin özü fırıldaqçıya uyduğu halları əngəlləyə bilmir.
Mənbə: 9to5Mac
Bizi izləyin
Ən vacib texnologiya xəbərlərini sosial şəbəkələrdə qaçırmayın.
Növbəti xəbər
