TechCrunch xəbər verir ki, "Waymo" şirkəti Las-Veqasdakı "Harry Reid" Beynəlxalq Hava Limanına və oradan sərnişin daşımağa başlayıb. Sərnişinlərin minməsi və düşməsi 1 və 3 saylı terminallarda ayrılmış xüsusi "avtonom nəqliyyat zonaları"nda həyata keçirilir.

Bu, "Waymo"nun xidmət göstərdiyi altıncı böyük hava limanıdır. Şirkət artıq Feniks "Sky Harbor", Nəşvill, San-Antonio, San-Fransisko və San-Xose beynəlxalq hava limanlarında səfərlər təklif edir.

Şirkət bildirib ki, hava limanı səfərləri ilk mərhələdə yalnız az sayda sərnişin üçün əlçatan olacaq, daha sonra isə bütün müştərilərə açılacaq.

Qeyd edək ki, "Waymo" Las-Veqasda ictimaiyyət üçün xidmətə yalnız sentyabrda başlayıb, lakin artıq şəhərdə 24 kvadrat mil ərazini əhatə edir. "Amazon"a məxsus "Zoox" da bu hava limanında səfərlər təklif edir. Avqustda ştat tənzimləyiciləri "Tesla" və "Uber"ə gələn il ərzində şəhər küçələrinə minlərlə robotaksi çıxarmağa imkan verən icazələri təsdiqləyib.